දංගලු ගම් පියසෙහි කටුමැටි ගැසූ පොල් අතු සෙවිලි කළ කුඩා ගොඩනැගිල්ලක 1911-05-09 දින පාසලක් ආරම්භ විය. බෞද්ධාගමික පාසලක් ලෙස එය ආරම්භ කිරීමට පෙරමුණ ගත්තේ එවකට දංගල්ල රජමහා විහාරාධිපතිව වැඩ විසූ ගරුතර ඇස්වත්තේ ශ්‍රී සුමංගල ස්වාමීන්ද්‍රයන් වහන්සේය. ස්වාමීන් වහන්සේගේ පුරෝගාමීත්වයෙන් ආරම්භ වූ මෙම පාසල දංගල්ල පිරිමි පාසල නමින් හැඳින්වීය. මෙහි මුල්ම ශිෂ්‍යයා වූයේ දොන් නෝරිස් අප්පුහාමිය. ගම්පහ අධ්‍යාපන කලාපයට අයත් දංගලු මහ විදුහල් මාතාවගේ ආරම්භය මේ ආකාරයෙන් සිදුවිය.